کندز کې د نهو لوبډلو ترمنځ د والیبال سیالۍ ترسره شوې
د کندز ولایت د بدني روزنې او ورزش ریاست اړوند د والیبال فدراسیون له استازولۍ سره په همغږي د راشد ولي زاده په مالي ملاتړ د یاد ولایت مرکز اړوند ولي زاده ورزشي جمنازیوم کې د نهو لوبډلو ترمنځ د والیبال سیالۍ د خان زاخېل لوبډلې په اتلولي پای ته ورسېدې.
د یادو سیالیو په پایلوبه کې خان زاخېل لوبډلې د ۲۵ پر ۱۹ نمرو په توپیر خپلې سیالې قلعه زال ولسوالۍ لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې، چې یوه شپه یې دوام وکړ او په پای کې غوره لوبغاړو ته نغدي ډالۍ ورکړل شوې.
