کندز کې د لسو لوبډلو ترمنځ د فوټبال سيالۍ د شېر خان بندر لوبډلې په اتلولۍ پای ته ورسېدې
د کندز ولايت د بدني روزنې او ورزش رياست او د فوټبال فدراسيون د استازولۍ له لوري د ياد ولايت په امام صاحب ولسوالۍ کې د لسو لوبډلو ترمنځ ورزش ته د ځوانانو هڅولو په موخه د فوټبال سيالۍ د شېر خان بندر لوبډلې په اتلولۍ پای ته ورسېدې.
دغه سیالۍ چې يوه اوونۍ يې دوام وکړ، پايلوبه يې د شېر خان بندر او مراد شېخ لوبډلو ترمنځ ترسره شوه، چې په ټاکلي وخت سيالۍ ۰/۰ مساوي پای ته ورسېده، خو په پنالټيانو کې شېر خان بندر لوبډلې خپلې سيالې لوبډلې ته د ۵ پر ۴ گولونو په توپير ماتې ورکړه او اتلولي يې په خپل نوم کړه.
