کندز؛ ګل تیپې ولسوالۍ کې د ۲۴ لوبډلو ترمنځ د فوټبال سیالۍ پای ته ورسېدې
د کندز ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت په ګل تیپې ولسوالۍ کې د ۲۴ لوبډلو ترمنځ د فوټبال سیالۍ د چهل چنار آلچین لوبډلې په اتلولي پای ته ورسېدې.
د یادو سیالیو پایلوبه کې چهل چنار آلچین لوبډلې د ۴/۱ ګول په توپیر خپلې سیالې اتحاد کته قورق لوبډلې ته ماتې ورکړه او اتلولي یې خپله کړه.
دا سیالۍ ورزش ته د ځوانانو د هڅول په موخه ترسره شوې، چې درې میاشتې یې دوام وکړ او په پای کې اتلې لوبډلې او غوره لوبغاړو ته بېلابېلې ورزشي ډالۍ ورکړل شوې.
