کندز؛ کلباد ولسوالۍ کې د ۱۸ لوبډلو ترمنځ د والیبال سیالۍ پای ته ورسېدې
د کندز لایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په کلباد ولسوالۍ کې د ۱۸ لوبډلو ترمنځ د والیبال سیالۍ د ګرګري لوبډلې په اتلولي پای ته ورسېدې.
د یادو سیالیو پایلوبه کې ګرګري لوبډلې د ۱۶/۸ نمرو په توپیر خپلې سیالې د غرو لوبډلې ته ماتې ورکړه او اتلولي یې وګټله.
دا سیالۍ د اختر په ورځو کې د سالمې تفرېح برابرولو په موخه ترسره شوې، چې یوه ورځ یې دوام وکړ.
