کندز؛ کلباد ولسوالۍ کې د لسو لوبډلو ترمنځ د واليبال سيالۍ پای ته ورسېدې
د کندز ولایت د بدني روزنې او ورزش رياست اړوند د واليبال فدراسيون د استازولۍ له لوري د کلباد ولسوالۍ په ايشان توپ سيمه کې د لسو لوبډلو ترمنځ د واليبال سيالۍ د گرگري لوبډلې په اتلولۍ پای ته ورسېدې.
دغه سيالۍ چې يوه ورځ يې دوام وکړ، په پايلوبه کې گرگري لوبډلې خپلې سيالې اسد الله رحيمي لوبډلې ته د ۱۵ پر ۹ امتيازونو په توپير ماتې ورکړه او اتلولي يې وگټله.
د ويلو وړ ده، چې د يادو سیالیو په موخه ورزش ته د ځوانانو هڅول او د يادې ولسوالۍ وگړو لپاره د يوې سالمې تفريح برابرول وو.
