کندز؛ په قلعه ذال ولسوالۍ کې د ۶۵ چاپندازانو ترمنځ د وزلوبې ملي سيالۍ ترسره شوې
د کندز ولايت د بدني روزنې او ورزش رياست له لوري د ياد ولايت په قلعه ذال ولسوالۍ کې د ۶۵ چاپندازانو ترمنځ راتلونکو لوبو لپاره د لا ښه چمتو والي او د يادې ولسوالۍ وگړو لپاره د سالمې تفريح برابرولو په موخه د وزلوبې ملي سيالۍ ترسره شوې.
دغه سیالۍ چې يوه ورځ يې دوام وکړ، په پايله کې د ميدان حکم له لوري يو اخرالاق اعلان شو، چې سلام پهلوان د نجيب الله مهمند په آس تر حلالې دايرې ورساوه او د سياليو گټونکی شو.
