کندز؛ په قلعه ذال ولسوالۍ کې د شپږو لوبډلو ترمنځ د واليبال سيالۍ ای ته ورسېدې
د کندز ولايت د بدني روزنې او ورزش رياست اړوند د واليبال فدراسيپون د استازولي له لوري د ياد ولايت په قلعه ذال ولسوالۍ کې د شپږو لوبډلو ترمنځ د واليبال شپنۍ سيالۍ د ترکستان لوبډلې په اتلولۍ پای ته ورسېدې.
د يادو سياليو په پايلوبه کې ترکستان لوبډلې خپلې سيالې قلعه ذال منتخبې لوبډلې ته د ۳۱ پر ۲۶ امتيازونو په توپير ماتې ورکړه او اتلولي يې خپله کړه.
د يادولو وړ ده، چې د دغو سياليو د ترسره کېدو موخه ورزش ته د ځوانانو هڅول او د خلکو لپاره د سالمې تفريح برابرول وو، چې يوه شپه يې دوام وکړ.
