کندز؛ په امام صاحب ولسوالۍ کې د ۸۰ پهلوانانو ترمنځ د کورش سيالۍ وشوې
د کندز ولايت د بدني روزنې او ورزش رياست اړوند د کورش فدراسيون د استازولۍ له لوري د امام صاحب ولسوالۍ په خورشيد ورزشي لوبغالي کې د پنځو ولایتونو د ۸۰ پهلوانانو ترمنځ د يادې ولسوالۍ وگړو لپاره د يوې سالمې تفريح برابرولو په موخه د کورش ازادې سيالۍ وشوې.
په يادو سياليو کې له جوزجان، سنمگان، بغلان، تخار او کندز ولايتونو څخه پهلوانانو گډون کړی وو، چې په پايله کې يې ۴۰ پهلوانانو خپلو سيالانو ته په ماتې ورکولو سره برياوې خپلې کړې.
د ويلو وړ ده، چې په دغو سياليو کې د کندز ولايت پهلوانان تر نورو ډېرې برياوې په خپل نوم کړې.
