کندز؛ په امام صاحب ولسوالۍ کې د اتو لوبډلو ترمنځ د فوټسال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال فدراسيون د استازولۍ له لوري د ياد ولايت په امام صاحب ولسوالۍ کې اتو لوبډلو ترمنځ د ورزشکارانو يووالي په موخه د " انسجام ولسوالي ها " په نوم د فوټسال سيالۍ، چې دوې ورځې مخکې پيل شوې وې، د ستاره ها امام صاحب لوبډلې په اتلولۍ پای ته ورسېدې.
په دغو سياليو کې د خواجه بهاوالدين اميد، دشت قلعه ای خانم، ليسه عبدالقيوم بيک شهيد بهارک، خواجه غار ياران بليمسيور، کلباد موج آمو، امام صاحب منتخب، امام صاحب ستاره ها او منتخب شهرک باسوس لوبډلو گډون کړی وو، چې په پايلوبه کې امام صاحب ولسوالۍ ستاره ها لوبډلې خپلې سيالې خواجه بها الدين اميد لوبډلې ته د ۳ پر ۲ گولونو په توپير ماتې ورکړه او د يادو سياليو اتلولي يې په خپل نوم کړه.
