کندز؛ په امام صاحب ولسوالۍ کې د اتو لوبډلو ترمنځ د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال فدراسيون د استازولۍ له لوري د امام صاحب ولسوالۍ په باسوس ورزشي لوبغالي کې د اتو لوبډلو ترمنځ د ورزشکارانو وړتياوو لوړولو په موخه د فوټبال سيالۍ، چې پنځه ورځې مخکې پيل شوې وې، د اتحاد کنم لوبډلې په اتلولۍ پای ته ورسېدې.
د يادو سياليو پايلوبه د موج های آمو او اتحاد کنم لوبډلو ترمنځ ترسره شوه، چې په ټاکلي وخت سيالۍ ۴/۴ مساوي پای ته ورسېده، خو په پنالټيانو کې اتحاد کنم لوبډلې خپلې سيالې لوبډلې ته د ۵/۶ گولونو په توپير ماتې ورکړه او اتلولي يې خپله کړه.
