کندز؛ مرکز کې د ۷۰ چاپندازانو ترمنځ د وزلوبې سیالۍ ترسره شوې
د کندز ولایت د بدني روزنې او ورزش امریت اړوند د وزلوبې ملي فدراسیون د استازولۍ له لوري د یاد ولایت په مرکز کې د ۷۰ چاپندازانو ترمنځ د وزلوبې سیالۍ ترسره شوې.
د دغو سياليو په پايله کې د ميدان حکم له لوري دوه اخرالاقه اعلان شول، چې لومړی اخر الاق د ذبیح الله پهلوان له لوري او دویم اخرالاق د شمس الله تخاري له لوري خوسی تر حلالې دايرې ورساوه او اتلولي یې خپله کړه.
د سیالیو په پای کې د ورزش مسوولینو له لوري غوره چاپندازانو ته چمتو شوې ډالۍ ورکړل شوې.
