کندز؛ مرکز کې د ۳۳ لوبغاړو ترمنځ د کورش ټاکنیزې سیالۍ ترسره شوې
د کندز ولایت د بدني روزنې او ورزش ریاست اړوند د کورش فدراسیون د استازولي له لوري د یاد ولایت د مرکز اړوند سپین زر ورزشي لوبغالي کې د ۳۳ پهلوانانو ترمنځ د کورش ټاکنیزې سیالۍ ترسره شوې.
دغه سیالۍ د ځوانانو او مشرانو ورزش کارانو په عمري کټګوري او له ۶۰ څخه تر ۱۰۰ کیلو ګرامه وزني کټګوري کې ترسره شوې، چې په پایله کې یې په ٦٠ کیلو ګرامه وزن کې سلطان بیک، په ٦٦ کیلو ګرامه وزن کې چکمار، په ٧٣ کیلو ګرامه وزن کې اجمل، په ٨١ کیلو ګرامه وزن کې ادریس، په ٩٠ کیلو ګرامه وزن کې امید او په ١٠٠ کیلو ګرامه وزن کې الله مراد لومړي مقامونه ترلاسه کړل.
دغه سیالۍ په بلخ کې د کورش راتلونکو ملي لوبو ته د غوره لوبغاړو د ټاکلو په موخه ترسره شوې، چې یوه ورځ یې دوام وکړ.
