کندز؛ مرکز کې د ۲۴ ورزشکارانو ترمنځ د کانگفو سيالۍ ترسره شوې
د کندز ولايت د بدني روزنې او سپورټ رياست اړوند د کانگفو فدراسيون د استازولۍ له لوري د استاد نجيب الله عظيمي کلب کې د مرکز او امام صاحب ولسوالۍ د څلورو کلبونو د ۲۴ ورزشکارانو ترمنځ د تواماپه سبک په بېلابېلو وزنونو کې د کانگفو دوستانه سيالۍ تر سره شوې.
په يادو سياليو کې د درېوو عمري کټگوريو نويو ځوانانو، ځوانانو او لويانو ورزشکارانو برخه اخیستې وه.
د دغو سياليو موخه د ورزشکارانو ترمنځ يووالی او جسمي روزنه ياده شوې وه او په پای کې د ورزش امريت له لوري غوره ورزشکارانو ته د هڅوونې په موخه مډالونه او ستاينليکونه ورکړل شول.
