کندز؛ قلعه زال ولسوالۍ کې د ۵۰ چاپندازانو ترمنځ د وزلوبې سيالۍ وشوې
د کندز ولايت د بدني روزنې او ورزش ریاست په همغږۍ، د وزلوبې، نيزه وهنې او سيمه ييزو لوبو فدراسيون د استازولۍ له لوري د قلعه زال ولسوالۍ په صالح آباد سيمه کې د ۵۰ چاپندازانو ترمنځ د وزلوبې سيالۍ وشوې.
د يادو سياليو په پايله کې يو اخراوالاق ترسره شو، چې دغه اخراوالاق عبدالحکیم پهلوان د حلال تر دایرې ورسوه او د چمتو شويو ډاليو گټونکی شو.
دا سيالۍ ملي او دوديزو لوبو ته د ودې ورکولو او د يادې ولسوالۍ وگړو لپاره د سالمې تفريح برابرولو په موخه وشوې، چې يوه ورځ يې دوام وکړ.
