کندز؛ قلعه زال ولسوالۍ کې د ۱۸ لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په قلعه زال ولسوالۍ کې د ۱۸ لوبډلو ترمنځ د والیبال سیالۍ د سوپر رویال آقتیپې لوبډلې په اتلولي پای ته ورسېدې.
د یادو سیالیو پایلوبه کې سوپر رویال آقتیپې لوبډلې د ۲۱/۱۷ نمرو په توپیر خپلې سیالې خالق پهلوان لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح په موخه ترسره شوې، چې یوه شپه یې دوام وکړ.
