کندز؛ قلعه ذال ولسوالۍ کې د ۱۴ لوبډلو ترمنځ د والیبال سیالۍ ترسره شوې
د کندز ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په قلعه ذال ولسوالۍ کې د ۱۴ لوبډلو ترمنځ د والیبال سیالۍ ترسره شوې.
د دغو سیالیو په پایله کې قلعه ذال ځوانانو لوبډلې خپلې سیالې سوپر رویال لوبډلې ته د ۲۱/۱۶ امتیازونو په توپير ماتې ورکړه او اتلولي یې خپله کړه.
د یادو سیالیو موخه په قلعه ذال ولسوالۍ کې د ورزشکارانو ترمنځ د والیبال لوبو ته وده ورکول و، چې یوه ورځ یې دوام وکړ.
