کندز؛ قلعه ذال ولسوالۍ کې د ۱۰۰ ورزشکارانو ترمنځ د کورش سیالۍ ترسره شوې
د کندز ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په قلعه ذال ولسوالۍ کې د ۱۰۰ ورزشکارانو ترمنځ د کورش سیالۍ ترسره شوې.
د دغو سیالیو په پایله کې پنځو تنو ورزشکارانو خپلو سیالانو ته په ماتې ورکولو سره لومړي او د اتلولۍ مقامونه ترلاسه کړل.
د یادو سیالیو موخه سیمه ییزو او دودیزو لوبو ته وده ورکول او ورزشکارانو ته یوه سالمه تفرېح برابرول و، چې یوه ورځ یې دوام وکړ.
