کندز؛ قلعه ذال ولسوالۍ کې د وزلوبې سيالۍ ترسره شوه
د کندز ولايت د بدني روزنې او سپورټ رياست اړوند، د بزکشۍ فدراسيون د استازولۍ له لوري، د ياد ولايت په قلعه ذال ولسوالۍ کې د ۵۰ چاپندازانو تر منځ د وزلوبې سيالۍ ترسره شوه.
د ميدان حکم له خوا دوه اخرالاقه وټاکل شول، چې لومړی اخرالاق پهلوان شريف کورت زاده د داود بای په آس او دويم اخرالاق حميدالله کورت زاده د خيرالله اڅکزي په آس تر حلالې دايرې ورساوه او ګټونکي ونومول شول.
په پای کې دواړو گټونکو پهلوانانو ته نغدي ډالۍ ورکړل شوې.
