کندز؛ زرګونه مینوالو منځ کې وزلوبه
نعیم پرهېز
یکشنبه، مرغومی ۱۲، ۱۴۰۰
کندز ولایت پرون شنبه مرغومی ۱۱ د وزلوبې سیالۍ د زرګونه مینوالو شاهد و، په دې سیالي کې د کندز پر ولسوالیو سربیره د بغلان، تخار او مزار شریف ۳۰ ورزشکارانو ګډون کړی و.
یادې سیالۍ د خط او بیرغ په بڼه وشوې چې په پای کې شبیر پهلوان د یاسین مزاري په اس خط ته اخر ورساوه چې د سیالۍ د ګټلو ترڅنګ یې یوه تخته قالینه او پنځه زره افغانۍ وګټلې.
دغه راز چاپ اندازان د وزلوبې فدراسیون د رئیس فهیم صافي، عالم قصاب او اس لرونکو له لوري په نغدي پیسو وستایل شول.
د مسولینو په خبره د دې سیالیو موخه د چاپ اندازونو تمرین، وزلوبې ته چمتوالی او د کندز د خلکو خوښ ساتل دي.
