کندز؛ د هېواد ورزش ادارې فني او مسلکي مرستیال د امام صاحب ولسوالۍ له ورزشي کلبونو او لوبغاړو لیدنه وکړه
د المپيک، بدني روزنې او ورزش عمومي ریاست فني او مسلکي مرستیال حافظ احمد جان ځدراڼ او د کندز ولایت د بدني روزنې او ورزش رئیس د امام صاحب ولسوالۍ له ورزشي کلبونو او لوبغاړو لیدنه وکړه.
په دې لیدنه کې محترم ځدراڼ خوښي څرګنده کړه او زیاته یې کړه ( خوښ یم، چې یوه ولسوالۍ د سپورټ په برخه کې دومره فعاله ده، چې ورزشي برنامې یې په منظم او بریالي توګه روانې دي) او همدارنګه زیاته یې کړه ورزش د یووالي سمبول دی او المپيک، عمومي ریاست به د لوبغاړو تل ملاتړ کوي.
