کندز؛ د علي آباد ولسوالۍ فوټبال لیګ لرخابیو لوبډلې وګاټه
د کندز ولایت د بدني روزنې او ورزش ریاست، د فوټبال فدراسیون د استازولۍ او د علي آباد ولسوالۍ د ورزشي کمېټې له لوري د فوټبال ب ګروپ یو میاشتنۍ سیالۍ د لرخابیو لوبډلې په بریا پای ته ورسېدې.
د فوټبال په دې یو میاشتني ټورنمنېټ کې ۱۰ لوبډلو ګډون کړی و، چې پایلوبې ته یې د لرخابیو لېسه او مرکزي لېسې لوبډلې ووتلې، چې لرخابیو لوبډله د ۱-۰ په توپیر وتوانېدله چې مقابله لوبډله ماته او د دې لیګ اتلولي وګټي.
د یادونې ده، چې غوره لوبغاړو او لوبډلو ته کپ، مډال ،ستاینلیکونه او نورې بېلابېلې جایزې ورکړل شوې.
