کندز؛ دشت ارچي ولسوالۍ کې د لسو لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په دشت ارچي ولسوالۍ کې د لسو لوبډلو ترمنځ د واليبال شپنۍ سيالۍ د دشت ارچي ولسوالۍ منتخبې لوبډلې په اتلولۍ پای ته ورسېدې.
د دغو سياليو په پايلوبه کې د دشت ارچي ولسوالۍ منتخبې لوبډلې خپلې سيالې قلعه زال ولسوالۍ منتخبې لوبډلې ته د ۲۶ پر ۱۲ امتيازونو په توپير ماتې ورکړه او اتلولي يې وگټله.
د يادو سياليو موخه واليبال لوبې ته وده ورکول او د لوبغاړو ترمنځ يووالی رامنځته کول وو، چې يوه شپه يې دوام وکړ.
