کندز؛ دشت ارچي ولسوالۍ کې د شپږو لوبډلو ترمنځ د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال فدراسیون د استازولۍ له لوري او د ماريکس شرکت په مالي ملاتړ د ياد ولايت په دشت ارچي ولسوالۍ کې د شپږو لوبډلو ترمنځ د فوټبال سيالۍ د ارچي پيروزي لوبډلې په اتلولۍ پای ته ورسېدې.
په دغو سیالیو کې پر دشت ارچي ولسوالۍ سربيره د کلباد ولسوالۍ لوبډلو گډون کړی وو، چې په پايلوبه کې ارچي پيروزي لوبډلې خپلې سيالې تاجک قشلان پيکان لوبډلې ته د ۰/۱ گول په توپير ماتې ورکړه او اتلولي يې وگټله.
د يادو سیالیو موخه د ځوانانو ترمنځ يووالی رامنځته کول وو، چې درې ورځې يې دوام وکړ
