کندز؛ امام صاحب ولسوالۍ کې د ۸۰ چاپندازانو ترمنځ د وزلوبې سيالۍ پای ته ورسېدې
د کندز ولايت د بدني روزنې او سپورټ رياست اړوند د وزلوبې فدراسيون د استازولۍ او د حاجي نور آغا خان ناصري په مالي ملاتړ د امام صاحب ولسوالۍ په اسپند گزر وزلوبې لوبغالي کې د ۸۰ چاپندازانو ترمنځ د وزلوبې سيالۍ پای ته ورسېدې.
د يادو سياليو په ورستۍ ورځ د ميدان حکم له لوري دوه اخرالاقه اعلان شول، چې لومړی سلام ايماق پهلوان او دويم داد الله پهلوان تر ټاکلې دايرې ورساوه.
د يادونې وړ ده، چې د دغو سياليو موخه خلکو ته د سالمې تفريح برابرول ښودل شوي و، چې دوې ورځې يې دوام وکړ.
