کندز؛ امام صاحب ولسوالۍ کې د ۶۶ کورشکارانو ترمنځ د کورش سیالۍ ترسره شوې
د کندز ولایت د بدني روزنې او ورزش امریت اړوند د امام صاحب ولسوالۍ ورزشي مدیریت او د کورش فدراسیون د استازولۍ له لوري د یاد ولایت د امام صاحب ولسوالۍ په الف بیردي کلي کې د ۶۶ کورشکارانو ترمنځ د کورش سیالۍ ترسره شوې.
د دغو سیالیو په پایله کې ۳۳ کورشکارانو خپلو سیالانو ته په ماتې ورکولو سره بریاوې خپلې کړې او د ډالیو ګټونکي شول.
د یادو سیالیو موخه ملي او سیمه ییزو او دودیزو لوبو ته وده ورکول و، چې یوه ورځ یې دوام وکړ.
