کندز؛ امام صاحب ولسوالۍ کې د ۴۶ ورزشکارانو ترمنځ د رزمي لوبو آماتور سبک سيالۍ وشوې
د کندز ولایت د بدني روزنې او ورزش رياست اړوند د رزمي لوبو فدراسيون د استازولۍ له لوري د ياد ولايت په امام صاحب ولسوالۍ کې د پنځو کلبونو د ۴۶ ورزشکارانو ترمنځ د رزمي لوبو آماتور سبک سيالۍ وشوې.
دغه سيالۍ، چې د تنکيو ځوانانو، نويو ځوانانو، ځوانانو او لويانو په عمري کټگوريو کې ترسره شوې، په پايله کې ۱۷ تنو ورزشکارانو خپلو سيالانو ته په ماتې ورکولو سره برياوې خپلې کړې.
د ويلو وړ ده، چې د يادو سياليو موخه ورزش ته د ځوانانو هڅول او د يادې ولسوالۍ په کچه د غوره ورزشکارانو موندل وو، چې يوه ورځ يې دوام وکړ.
