کندز؛ امام صاحب ولسوالۍ کې د ۱۶۰ ورزشکارانو ترمنځ د کورش سیالۍ ترسره شوې
د کندز ولایت د بدني روزنې او ورزش ریاست اړوند د کورش فدراسیون د استازولۍ له لوري د یاد ولایت په امام صاحب ولسوالۍ کې له جوزجان، بدخشان او د تخار ولایتونو د ۸۰ جوړو( ۱۶۰) ورزشکارانو ترمنځ د کورش سیالۍ ترسره شوې.
د دغو سیالیو په پایله کې ۸۰ تنو ورزشکارانو خپلو سیالانو ته په ماتې ورکولو سره اتلولي خپله کړه او د ډالیو ګټونکي شول.
د یادو سیالیو موخه سیمه ییزو او دودیزو لوبو ته وده ورکول و، چې یوه ورځ یې دوام وکړ.
د سیالیو په پای کې غوره ورزشکارانو ته چمتو شوې ډالۍ ورکړل شوې.
