کندز؛ امام صاحب ولسوالۍ کې د ۱۴ لوبډلو ترمنځ د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت له مرکز او د امام صاحب ولسوالۍ څخه د ۱۴ لوبډلو ترمنځ د فوټبال سيالۍ ترسره شوې، چې يوه ورځ يې دوام وکړ.
د دغو سياليو په پايلوبه کې ینګي ارق لوبډلې خپلې سیالې مراد شېخ لوبډلې ته د ۱/۰ ګول په توپير ماتې ورکړه او اتلولي يې خپله کړه.
د يادو سياليو موخه د فوټبال لوبو ته د ځوانانو هڅول او خلکو ته سالمه تفرېح برابرول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
