کندز؛ امام صاحب ولسوالۍ کې د ۱۲ لوبډلو ترمنځ د فوټسال سیالۍ پای ته ورسېدې
د کندز ولایت د بدني روزنې او ورزش ریاست اړوند د فوټبال فدراسیون د استازولي له لوري د یاد ولایت په امام صاحب ولسوالۍ کې د ۱۲ لوبډلو ترمنځ د فوټسال سیالۍ د مراد شیخ ځوانانو لوبډلې په اتلولي پای ته ورسېدې،
د یادو سیالیو پایلوبه د مراد شیخ ځوانانو او باسوسو شهرک ځوانانو لوبډلو ترمنځ ترسره شوه، چې په پایله کې یې مراد شیخ ځوانانو لوبډلې د ۵ پر ۳ ګولونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
یادې سیالۍ د لوبغاړو ترمنځ د تجربو د شریکولو په موخه ترسره شوې او په پای کې تیمور شاه نېکراد د دغو سیالیو غوره لوبغاړی اعلان شو.
