کندز؛ امام صاحب ولسوالۍ کې د پنځو لوبډلو ترمنځ د رسۍ کش کولو سیالۍ ترسره شوې
د کندز ولایت د بدني روزنې او ورزش ریاست اړوند د ملي او دودیزو لوبو د مدیریت له لوري د یاد ولایت په امام صاحب ولسوالۍ کې د پنځو لوبډلو ترمنځ د رسۍ کش کولو سیالۍ د بیشکپې لوبډلې په اتلولي پای ته ورسېدې.
د دغو سیالیو پایلوبه د بېشکپې او مرکزي لوبډلو ترمنځ ترسره شوه، چې په پایله کې یې بیشکپې لوبډلې د ۲ پر صفر نمرو په توپیر خپلې سیالې لوبډلې ته ماتې ورکړه او د سیالیو لومړی مقام یې ترلاسه کړ.
دا سیالۍ د سیمې ځوانانو ته د سالمې تفرېح برابرولو په موخه ترسره شوې، چې یوه ورځ یې دوام وکړ.
