کندز؛ امام صاحب ولسوالۍ کې د واليبال شپنۍ سيالۍ وشوې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په امام صاحب ولسوالۍ کې د شپږو لوبډلو ترمنځ د واليبال شپنۍ سيالۍ وشوې.
د يادو سياليو په پايلوبه کې عبدالله زاخېلوال لوبډلې خپلې سيالې ق.اري خبيب لوبډلې ته د ۳-۲ ميدانونو په توپير ماتې ورکړه او اتلولي يې وگټله.
دا سيالۍ د لوبغاړو د وړتياوو لوړولو او د يادې ولسوالۍ وګړو لپاره د سالمې تفريح برابرولو په موخه وشوې، چې يوه شپه يې دوام وکړ.
