کندز؛ امام صاحب ولسوالۍ کې د اتو لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د امام صاحب ولسوالۍ په ايسکي سيمه کې د اتو لوبډلو ترمنځ د واليبال سيالۍ، چې يوه شپه يې دوام وکړ د رئیس ولي لوبډلې په اتلولۍ پای ته ورسېدې.
د يادو سياليو په پايلوبه کې رئیس ولي لوبډلې خپلې سيالې نغمه بازار لوبډلې ته د ۲۵ پر ۱۶ امتيازونو په توپير ماتې ورکړه او اتلولي يې وگټله.
د يادونې وړ ده، چې د دغو سياليو موخه د لوبغاړو د بدني وړتياوو لوړول او د يادې ولسوالۍ وگړو لپاره د سالمې تفريح برابرول وو.
