کندز؛ امام صاحب ولسوالۍ کې د اتو لوبډلو ترمنځ د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال فدراسيون د استازولۍ له لوري د امام صاحب ولسوالۍ په باسوس ورزشي لوبغالي کې د اتو لوبډلو ترمنځ د فوټبال سيالۍ، چې دوې اوونۍ مخکې پيل شوې وې د صبح صادق لوبډلې په اتلولۍ پای ته ورسېدې.
د يادو سياليو پايلوبه د صبح صادق او مراد شيخ لوبډلو ترمنځ وشوه، چې په ټاکلي وخت سيالۍ مساوي پای ته ورسېده، خو په پنالټيانو کې صبح صادق لوبډلې خپلې سيالې لوبډلې ته د ۳ پر ۱ گولونو په توپير ماتې ورکړه او اتلولي يې په خپل نوم کړه.
د ويلو وړ ده، چې د دغو سیالیو موخه ورزش ته د ځوانانو هڅول وو.
