کتيکا؛ مټاخان ولسوالۍ کې د ۱۴ لوبډلو ترمنځ د ټېپ بال کرېکټ سيالۍ پيل شوې
د پکتيکا ولايت د بدني روزنې او ورزش آمريت په همغږۍ، د ټېپ بال کرېکټ فدراسيون د استازولۍ له لوري د مټاخان ولسوالۍ په سيدوکلا کې د ۱۴ لوبډلو ترمنځ د ټېپ بال کرېکټ سيالۍ پيل شوې.
د يادو سياليو پيليزه لوبه د سيدو کلا او فقير کلا لوبډلو ترمنځ وشوه، د لوبې پچه سيدو کلا لوبډلې وگټله او لومړی يې د توپ وهنې پرېکړه وکړه، چې په ټاکلو ۸ اورونو کې يې د ۳ لوبغاړو په سوځېدو سره خپلې سيالې لوبډلې ته د ۱۲۵ منډو هدف کېښود، په ځواب کې فقير کلا لوبډلې د ټولو اورونو په لوبولو سره ۱۰۵ منډې وکړې او لوبه يې د ۲۰ منډو په توپير وبلله.
دا سيالۍ د ځوانانو ترمنځ د يووالي په موخه ترسره کېږي او ۱۵ ورځې به دوام وکړي.
