کاپیسا کې د فوټسال سیالۍ د اتحاد کوهبند لوبډلې په اتلولۍ پای ته ورسېدې
د کاپیسا ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري په یاد ولایت کې د ۱۲ لوبډلو ترمنځ په دوو ګروپونو کې د فوټسال سیالۍ پای ته ورسېدې، چې یوه میاشت یې دوام وکړ.
د دغو سیالیو په پایلوبه کې اتحاد کوهبند لوبډلې خپلې سیالې ده بابا عالي لوبډلې ته د ۳/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټسال لوبو ته وده ورکول او ورزش ته د ځوانانو هڅول و.
