کاپیسا؛ نجراب ولسوالۍ کې د ۲۸ لوبډلو ترمنځ د والیبال سیالۍ د جهان سپورټ لوبډلې په اتلولۍ پای ته ورسېدې
د کاپيسا ولایت د بدني روزنې او ورزش امریت اړوند د والیبال فدراسیون د استازولۍ له لوري په نجراب ولسوالۍ کې د ۲۸ لوبډلو ترمنځ د والیبال سیالۍ، چې یوه اوونۍ وړاندې پيل شوې وې د جهان سپورټ په اتلولۍ پای ته ورسېدې.
د دغو سیالیو په پایلوبه کې د جهان سپورټ لوبډلې خپلې سیالې متحد نجراب لوبډلې ته د ۲/۱ امتیازونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او له نشه یي توکو د ورزشکارانو لرېوالی او یووالی رامنځته کول و.
