کاپیسا؛ مرکز محمود راقي کې د ۳۰ ورزشکارانو ترمنځ د لاس چپه کولو سیالۍ ترسره شوې
د کاپیسا ولایت د بدني روزنې او ورزش امریت له لوري د یاد ولایت په مرکز محمود راقي کې له مرکز، حصه اول او حصه دویم ولسوالیو د ۳۰ ورزشکارانو ترمنځ د لاس چپه کولو سیالۍ ترسره شوې.
د دغو سیالیو په پای کې له حصه دویم کوهستان ولسوالۍ کمال د زیاتو امتیازونو په ترلاسه کولو لومړی، میرویس دویم او سمیر درېیم مقام ترلاسه کړ.
د یادو سیالیو موخه سیمه ییزو او دودیزو لوبو ته وده ورکول او ورزش ته د ځوانانو هڅوول و، چې یوه ورځ یې دوام وکړ.
د سیالیو په پای کې غوره ورزشکارانو ته چمتو شوې ډالۍ ورکړل شوې.
