کاپیسا؛ مرکز محمود راقي ښار کې د ۳۰ پهلوانانو ترمنځ د پهلوانۍ سیالۍ وشوې
د کاپیسا ولایت د بدني روزنې او ورزش امریت اړوند د پهلوانۍ ملي فدراسیون د استازولۍ له لوري د یاد ولایت په مرکز محمود راقي ښار کې د ۳۰ پهلوانانو ترمنځ د پهلوانۍ ټاکنیزې سیالۍ وشوې.
دغه سیالۍ، چې د تنکیو ځوانانو، نویو ځوانانو، ځوانانو او د لویانو ورزشکارانو په عمري کټګوریو او په بېلا بېلو وزني ګټګوریو کې وشوې، په پایله کې ۲۰ تنه پهلوانان د یاد ولایت د پهلوانۍ لوبډلې ته وټاکل شول.
د یادو سیالیو موخه د پهلوانۍ ورزش ته وده ورکول او د غوره پهلوانانو موندل و، چې یوه ورځ یې دوام وکړ.
د سیالیو په پای کې غوره پهلوانانو ته مډالونه او د اتلولۍ حکمونه ورکړل شول.
