کاپیسا؛ د ۳۰ ورزشکارانو ترمنځ د کونګ فو فدراسیون نماینده ګۍ سیالۍ ترسره شوې
د کاپیسا ولایت د بدني روزنې او ورزش امریت له لوري د جوانان محمدي، جوانان افشین او د جوانان عروج کلبونو د ۳۰ ورزشکارانو ترمنځ د کونګ فو فدراسیون نماینده ګۍ سیالۍ ترسره شوې.
دغو سیالیو چې یوه ورځ یې دوام وکړ په پایله کې د جوانان افشین کلب لومړی مقام، جوانان محمدي کلب دویم مقام او د جوانان عروج کلب ورزشکارانو درېیم مقام ترلاسه کړ.
د دغو سیالیو موخه یاد ورزش ته وده ورکول او د ورزشکارانو ظرفیت لوړول وو.
د سیالیو په پای کې د کاپیسا ورزشي امریت له لوري غوره لوبغاړو ته مډالونه، جایزې، اتلولۍ حکم او ستاینلیکونه ورکړل شول.
