کاپیسا؛ تګاب ولسوالۍ کې د ۳۴ لوبډلو ترمنځ د والیبال سیال پای ته ورسېدې
د کاپيسا ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په تګاب ولسوالۍ کې د ۳۴ لوبډلو ترمنځ د والیبال سیالۍ د تګاب بازانو لوبډلې په اتلولۍ پای ته ورسېدې.
دغو سیالیو، چې ۲۰ ورځې یې دوام وکړ، په پایله کې تګاب بازانو لوبډلې خپلې سیالې تترخېل لوبډلې ته د ۳/۱ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او د ځوانانو ترمنځ یووالی رامنځته کول و.
د سیالیو په پای کې د کاپیسا ولایت ورزشي امریت له لوري غوره لوبډلې او لوبغاړو ته چمتو شوې ډالۍ ورکړل شوې.
