کاپیسا؛ السای ولسوالۍ کې د والیبال سیالۍ اتحاد قهرمان لوبډلې وګټلې
د کاپیسا ولایت په السای ولسوالۍ کې، د شپږو لوبډلو ترمنځ د والیبال سیالۍ، چې یوه میاشت وړاندې پیل شوې وې، تېره ورځ اتحاد قهرمان لوبډلې وګټلې.
د والیبال په دې یو میاشتني ټورنمېنټ کې اتحاد مرکزي السای، جوانان تنبل خېل، جوانان سلطان خېل، جوانان لیچ، جوانان مرکزي او عقابان شاروخېل لوبډلو ګډون کړی و، چې موخه یې ورزش ته د ځوانانو هڅول او وده ورکول و.
د سیالیو پایلوبې ته اتحاد او جوانان تنبل خېل لوبډلې ووتلې، چې د ۱-۲ په توپیر یې اتلولي اتحاد لوبډلې وګټله.
د یادونې ده، چې د ګټونکو لوبډلو او غوره ورزشکارانو ته مډال، کپ او نورې بېلابېلې جایزې ورکړل شوې.
