کاپيسا؛ نجراب ولسوالۍ کې د ۱۹ لوبډلو ترمنځ د واليبال سيالۍ پای ته ورسېدې
د کاپيسا ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په نجراب ولسوالۍ کې د ۱۹ لوبډلو ترمنځ د واليبال سيالۍ پای ته ورسېدې.
د دغو سياليو په پايلوبه کې اتحاد ياران لوبډلې خپلې سیالې جهان اسپورټ لوبډلې ته د ۳/۲ ميدانونو په توپير ماتې ورکړه او اتلولي يې خپله کړه.
د يادو سياليو موخه د واليبال لوبو ته وده ورکول او د ځوانانو ترمنځ يووالی رامنځته کول و، چې دوې اوونۍ يې دوام وکړ.
