کابل کې د ۸۰ ورزشکارانو ترمنځ د پینګ پانګ ملي لوبډلې اوولسم پړاو ټاکنیزې سیالۍ پيل شوې
د المپیک، بدني روزنې او ورزش عمومي ریاست اړوند د پینګ پانګ ملي فدراسیون له لوري د یاد ریاست په ۵۰۰ کسیز جمنازیوم کې له شپاړلسو ولایتونو د ۸۰ ورزشکارانو ترمنځ د پینګ پانګ ملي لوبډلې اوولسم پړاو ټاکنیزې سیالۍ پيل شوې.
دغه سیالۍ د نویو ځوانانو، ځوانانو او لویو ورزشکارانو په عمري کټګوریو کې ترسره کېږي، چې له هرې کټګوریو ۱۰ تنه ورزشکاران، چې ټول ۳۰ تنه ورزشکاران کېږي د هېواد پینګ پانګ ملي لوبډلې ته وټاکل شي.
د دغو سیالیو پرانیستغونډې ته د افغانستان ورزش ادارې ورزشي مشاور قاري حیات الله رحماني، د یادې ادارې د امریتونو مسوولین، د پینګ پانګ ملي فدراسیون رهبري پلاوي، د ولایتونو استازي، ورزشکاران او زیات شمېر مینوال راغلي وو.
د یادو سیالیو موخه د هېواد پينګ پانګ ملي لوبډلې ته د غوره لوبغاړو موندل دي.
