کابل کې د ۵۰ ورزشکارانو ترمنځ د کابل ښار د وزن پورته کولو اتلولۍ سیالۍ پيل شوې
د کابل ولایت د بدني روزنې او ورزش ریاست په همکارۍ او د وزن پورته کولو ملي فدراسیون له لوري د هېواد ورزش ادارې د وزن پورته کولو جمنازیو کې د کابل ښار له کلبونو د ۵۰ ورزشکارانو ترمنځ په لسو وزني کټګوریو کې د کابل ښار د وزن پورته کولو اتلولۍ سیالۍ پيل شوې.
دغه سیالۍ به په دوو یک ضرب او دو ضرب سبکونو کې ترسره شي، چې په پایله کې به ۳۰ غوره ورزشکاران د یادې برخې ملي سیالیو ته غوره شي.
د یادو سیالیو موخه د وزن پورته کولو ملي او بهرنیو سیالیو ته د غوره ورزشکارانو موندل دي؛ د سیالیو په پای کې به غوره ورزشکارانو ته کپونه، مډالونه او ستاینلیکونه ورکړل شي.
