کابل کې د ۵۰ بايسکل ځغلونکو ترمنځ د بايسکل ځغلونې ټاکنيزې سيالۍ ترسره شوې
د کابل ولايت د بدني روزنې او ورزش رياست سره په همغږۍ د بايسکل ځغلونې ملي فدراسيون له لوري د کابل ولايت څخه د ۵۰ بايسکل ځغلونکو ترمنځ د بايسکل ځغلونې ټاکنيزې سيالۍ د دې ښار په حاجي نبي ښارګوټي کې ترسره شوې.
دغه سيالۍ د بایسکل ځغلولو په دوو جلا سبکونو سرکوي ( جاده يي) او غرني ( کوهستاني) کې ترسره شوې، چې د سرکونو سبک د ټايم ټريل بڼې په لويانو کټګورۍ کې زاهد احمد لومړی مقام، محمد شريف دويم او محمد عمر درېيم مقام ترلاسه کړ. دغه راز د ياد سبک د نويو ځوانانو په کټګورۍ کې سید حميدالله سادات لومړی مقام او نبي الله عتيقي دويم مقام ترلاسه کړ.
همدارنګه په غرونو کې د بايسکل ځغلولو سبک کې محمد باقر لومړی مقام، سالار دويم او سليمان فضلي بیا درېيم مقام ترلاسه کړ.
