کابل کې د ۳۰ ورزشکارانو ترمنځ د وزن پورته کولو ټاکنيزې سيالۍ ترسره شوې
د المپيک، بدنې روزنې او سپورټ لوی رياست په همکارۍ او د وزن پورته کولو ملي فدراسيون له لوري د کابل ښار د ۳۰ ورزشکارانو ترمنځ په لسو عمري کټگوريو کې د يوې ورځې لپاره د وزن پورته کولو ټاکنيزې سيالۍ ترسره شوې.
د دغو سياليو په پايله کې ۱۵ ورزشکاران د کابل منتخبې لوبډلې ته غوره شول او همدارنگه څو ورځې وروسته به د کندهار ولايت په کوربتوب د ملي لوبډلې ټاکنيزې سيالۍ پيل شي.
د وزن پورته کولو ملي فدراسيون مسؤلينو د دغو سياليو موخه د راتلونکو لوبو لپاره د ورزشکارانو چمتو والی او د کابل منتخبې لوبډلې ته د غوره ورزشکارانو موندل ياد کړل، چې په پای کې غوره ورزشکارانو ته مډالونه او ستاينليکونه ورکړل شول.
