کابل کې د فوټبال اتم پړاو سیالۍ د چهار شنبې په ورځ پیلېږي
کابل کې د فوټبال غوره لیګ سیالیو د ب ګروپ سیالۍ سبا چهارشنبه د لېندۍ میاشتې په ۱۷ نېټه د کابل په ورزشي سټېډیوم کې پیلېږي.
د دې سیاليو په لړ کې لومړی داودزی لوبډله د سپهر پر وړاندې او د همدې ورځې په دوهمه لوبه کې رفاه لوبډله افغان ایليت سره د لوبې ډګر ته داخلېږي.
په کابل ښار کې د فوټبال دا سيالۍ چې ۳۰ لوبډلو پکې ګډون درلود د تلې مياشتې په ۲۸ نېټه د لوبډلو ترمنځ پیل شوې ويې.
داودزی، رفاه، سپهر، افغان ایليټ، جوانان شيوا، امید درخشان، سباوون او هدادیان هغه لوبډلې دي چې اتم پړاو سیاليو ته يې لار موندلې او د اتلولۍ خپلولو لپاره سیالي کوي.
