کابل کې د رغبت جام په نوم د ۲۰۰ ورزشکارانو ترمنځ د بوکسينګ دوه دېرشم پړاو سيالۍ پيل شوې
د المپيک، بدني روزنې او ورزش عمومي ریاست اړوند د بوکسينګ ملي فدراسيون د استازولۍ له لوري په کابل کې د مرحوم عبدالغفور رغبت جام په نوم د ياد ولايت له څلورويشت کلبونو د ۲۰۰ ورزشکارانو ترمنځ د بوکسينګ دوه دېرشم پړاو سيالۍ پيل شوې.
دغه سيالۍ، چې د لويانو ورزشکارانو په عمري کټګورۍ کې ترسره شوې، په پايله کې درې غوره ورزشکاران وپېژندل شول.
د دغو سياليو د پای په مراسمو کې د المپيک، بدني روزنې او ورزش عمومي رياست فني او مسلکي مرستیال حافظ احمد جان ځدراڼ، د بوکسينګ ملي فدراسيون رهبري او ورزشکارانو ګډون کړی وو.
د يادو سياليو موخه د بوکس د برخې اتل عبدالغفور رغبت ياد را ژوندی کول و، چې درې ورځې يې دوام وکړ.
