کابل کې د رزمي ورزشونو د يو ايف سي سبک ټاکنيزې سيالۍ پيل شوې
د کابل ولايت د بدني روزنې او ورزش رياست اړوند د رزمي ورزشونو ملي فدراسيون له لوري د کابل ولايت له ۲۱ کلبونو څخه د ۱۲۰ ورزشکارانو ترمنځ، د هېواد ورزش ادارې په دوه زره ۵۰۰ کسيز جمنازيم کې د ((يو. ايف. سي)) سبک لومړی پړاو ټاکنيزې سيالۍ پيل شوې.
د دې سياليو د پيل په مراسمو کې د رزمي ورزشونو فدراسيون رئيس محمد يوسف مومند، د ورزش ادارې ورزشي مسوولينو، ورزشکارانو او د ورزش ګڼ شمير مینوالو ګډون کړی و.
په دغه سياليو کې به ورزشکاران د لويانو کټګورۍ په لسو بېلابېلو وزنونو کې د يو بل پر وړاندې د سيالۍ ډګر ته ښکته شي، چې په پايله کې به يې ۳۰ تنه د کابل ولايت د رزمي ورزشونو د يو.اف.سي سبک منتخبې لوبډلې ته وټاکل شي.
د ويلو ده، چې دغه سيالۍ د کابل ولايت د رزمي ورزشونو د يو.اف.سي سبک منتخبې لوبډلې ته د غوره لوبغاړو موندلو په موخه پيل شوي، چې دوه ورځې به دوام وکړي.
