کابل کې د جوجیستو لوبې پیل شوې
په مرکز کابل کې نن د ۸۰ لوبغاړو تر منځ د جوجیستو لوبې پیل شوې.
په دغو لوبو کې د هرات، خوست، بلخ، بادغېس، دایکندي، میدانوردګ، پکتیا، بامیان او فاریاب ولایتونو لوبغاړي برخه لري.
په یادو لوبو کې لوبغاړي د ځوانانو او لویانو په عمرونو کې له ۵۶ تر ۹۵ کیلوګرامو وزنونو کې له یو بل سره لوبې کوي.
دغه لوبې د بدني روزنې او ورزش ریاست په پینځه سوه کسیز جمنازیوم کې کېږي.
د یادونې وړ ده، چې د یادو لوبو موخه د لوبغاړو هڅونه او د جوجیستو په دوه ډولونو نیوازاد او فولکانتکت کې د لوبغاړو وړتیا لوړول دي.
